Uagutsinnut tunngasut
Kalaallit Nunaanni Inuit Pisinnaatitaaffiinut Instituti
Inuit Pisinnaatitaaffiinut Instituti Kalaallit Nunaata Parisimi tunngaviusut naapertorlugit Kalaallit Nunaata nuna tamakkerlugu inuit pisinnaatitaaffiinut instituteraa. Inuit Pisinnaatitaaffiinut Instituttip suliassaraa inuit pisinnaatitaaffiisa Kalaallit Nunaanni qanoq ingerlanneqarneri nakkutigissallugit. Institutti majimi 2014-imiit Kalaallit Nunaanni nuna tamakkerlugu inuit pisinnaatitaaffii pillugit institutiuvoq.
Taamaammat inuit pisinnaatitaaffii pillugit Naalakkersuisunut, Inatsisartunut naalagaaffimmilu oqartussanut siunnersuisarpugut, assersuutigalugu inatsisissatut siunnersuutini nutaani inuit pisinnaatitaaffii malinneqarnersut nalilersorlugu.
Inuit pisinnaatitaaffiinut tunngatillugu nunat tamat suleqatigiiffiinut, assersuutigalugu FN-imut, aamma nalunaarusiortarpugut.
Suliatta ilaat pingaartoq tassaavoq Kalaallit Nunaanni sulisoqarfiit suleqatigiiffiilu assigiinngitsut suleqatigineri, pingaartumik Inuit Pisinnaatitaaffii pillugit Kalaallit Nunaata Siunnersuisoqatigiivi.
Oqartussat innuttaasullu ataavartumik oqaloqatigisarnerisigut suleqatiginerisigullu Kalaallit Nunaanni inuit pisinnaatitaaffii pillugit ilisimasatta patajaallisarnissaat sulissutigaarput.
Institutti Kalaallit Nunaanni ingerlatsinerput inuillu pisinnaatitaaffiisa ineriartornerat pillugu ukiut tamaasa Inatsisartunut nalunaarusiortartussaavoq. Aamma Folketingimut nalunaarusiortarpugut, tassani Danmarkimi nunallu tamat akornanni suliaqarnerput allaaserisarparput, Kalaallillu Nunaanni suliaqarnerput naatsumik allaaserisarlugu. Annertunerusumik uani atuarit www.menneskeret.dk/beretning.
Danmarkimi Inuit Pisinnaatitaaffiinut Instituti
Danmarkip nuna tamakkerlugu Inuit Pisinnaatitaaffiinut Instituteraatigut. Aamma ammip qalipaataanut inuiannut sorlernut atasuunermut tunngatillugu suiaassutsimullu tunngatillugu Danmarkimi nuna tamakkerlugu naligiissitaanissaq suliassaraarput. Aamma innarluutillit pillugit immikkut suliassaqarpugut, tassani Inuit Innarluutillit Pisinnaatitaaffii pillugit Isumaqatigiissutip atuutilersinneqarnera siuarsassallutigu nakkutigissallutigulu. Danmarkimi naalakkersuisunut, Folketingimut oqartussanullu inuit pisinnaatitaaffii pillugit siunnersuisarpugut, ilaatigut inatsisissatut siunnersuutit nutaat suliarineqaraangata. Institutip Danmarkimi nunallu tamat akornanni sulinera paasisaqarfiginerorusukkukku uani annertunerusumik atuarsinnaavutit: https://www.humanrights.dk/our-work.
Nunat tamat akornanni nunani namminerni inuit pisinnaatitaaffiinut institutit, oqartussat inuit pisinnaatitaaffii pillugit piginnaatinneqartut eqqartuussiviillu kiisalu eqqartuussivinni ikiuisartut suleqatigisarpagut. Institutip nunat tamat akornanni sulinera pillugu annertunerusumik paasisaqarusukkuit uani annertunerusumik atuarsinnaavutit