Qullersaqarfik

Pisortaq, dr.jur., Jonas Christoffersen

Jonas Christoffersen Inuit Pisinnaatitaaffiinut 2009-miit pisortaavoq. Københavns Universitetimi cand.jur-itut ilinniarnikuuvoq, eqqartuussissuserisuuvoq landsretimi illersuisinnaatitaasoq (1998). Jonas Christoffersen Københavns Universitetimi ilisimasartusartutut atorfeqarnikuuvoq (2000-2008), Østre Landsrettimi landsdommeriugallarnikuuvoq (2006-2007), Højesteretimilu dommerfuldmægtigiunikuullunit (1998-1999). Jonas Christoffersen Europamiut Inuit Pisinnaatitaaffii pillugit Eqqartuussivik pillugu doktorinngorniuteqarnikuuvoq aamma nunani namminerni nunallu tamat akornanni inuit pisinnaatitaaffii pillugit suliaqarnikuulluni. Jonas Christoffersenip Inuit Pisinnaatitaaffiinut Instituttimi ukiumut akissarsiai 1.218.619,80 kr.-nik annertussuseqarput soraarnerussutisiassat ilanngullugit.

Pisortap tullia, Nunat tamat akornanni suliassani, cand.scient.pol., Eva Grambye

Eva Grambye Inuit Pisinnaatitaaffiinut Instituttimi aprili 2015-imiit pisortap tulliuvoq. Eva Grambye cand.scient.pol-itut ilinniarsimavoq, tassunga ilanngullugu Harvard Business School and INSEAD-imi aqutsisutut ilinniarnikuulluni. Eva Nunanut Allanut Ministeriaqarfimmi allaffimmi pisortaanikuuvoq aammalu Global Green Growth Forum (3GF)-imut immikkut aallartitaanikuulluni. Siusinnerusukkut FN-imi New Yorkimi Genevemilu sulinikuuvoq. Eva ineriartortitsinermik inuillu pisinnaatitaaffiinik ukiut 20-t sinnerlugit suliaqarnikuuvoq, ullumikkullu Inuit Pisinnaatitaaffiiut Instituttip nunat tamat akornanni suliaqarnera akisussaaffigalugu.

Pisortap tullia, Nunami namminermi suliaqarneq, cand.jur., MPA Louise Holck

Louise Holck Inuit Pisinnaatitaaffiinut Instituttimi upernaakkut 2012-imiit pisortap tulleraa. Købehavns Universitetimi cand.jur.-itut ilinniarnikuuvoq, tamassumalu saniatigut Danmarks Journalisthøjskolemi tugassiortutut ilinniarnini ilanikuullugu kiisalu CBS-imi pisortani aqutsinermik ilinniarnikuulluni (MBA). Louise Holck siusinnerusukkut Atuisunut Aqutsiveqarfimmi pisortaanikuuvoq (2003-2008), DR-imi attaveqartarnermut pisortaanikuuvoq (2002-2003) kiisalu Dansk Flygtningehjælpimi ukiuni arlalinni immikkoortortaqarfimmi pisortaanikuulluni. Louise Holckip Inuit Pisinnaatitaaffiit Institutip nunami namminermi sulineq akisussaaffigaa.

Aningaasaqarnermut Allaffissornermullu Pisortaq, cand.merc.aud., Ann Lisbeth Ingerslev

Ann Lisbeth Copenhagen Business Schoolimi cand.merc.auditut ilinniarnikuuvoq, tamassumalu saniatigut IT-universitetimi aamma KVL-imi kiisalu CBS-imi masteritut ilinniarnermi ilinniartitsissutini ataasiakkaani toqqakkani soraarummeernikuulluni. Ilinniartitaanermut Ministeriaqarfimmi naalakkersuisoqarfimmi aamma Pitsaassutsimut Nakkutilliinermullu Aqutsisoqarfimmi allaffimmi pisortat siornatigut atorfeqarnikuuvoq (2005-2013), Corporate Social Responsabilitymi aamma Aningaasaqarnermut Inuussutissarsiornermullu Ministeriaqarfimmi naatsorsuutinik nalunaaruteqarnertarnermik digitaliseriinermut akisussaalluni siunnersortaanerunikuuvoq (2002-2004), Aningaasaqarnermut Aqutsiveqarfimmi/Aningaasaqarnermut Ministeriaqarfimmi naalagaaffimmi naatsorsuutinik aaqqissuusseqqinnermi aningaasaqarnermillu aqutseriaatinik ineriartortitsinermik akisussaalluni suliniummi aqutsisuunikuuvoq (1999-2002) kiisalu Ernst & Youngimi ukiuni arlalinni kukkuneriuisunikuulluni.

Attaveqartarnermut pisortaq, cand.scient.soc., Esben Geist

Esben Geist Inuit Pisinnaatitaaffiinut Instituttimi aprili 2017-imiit attaveqartarnermut pisortaavoq. RUC-mi KU-milu Nunat tamat akornanni Ineriartortitsinermik Ilisimatusarnermi Antropologimilu cand.scient.soc-itut ilinniarnikuuvoq. Esben Geist Dansk Magisterforeningimi siusinnerusukkut attaveqartarnermut pisortaanikuuvoq, BUL-imi tusagassiuisarnermi pisortaanikuuvoq kiisalu Børns Vilkårimi aamma Dansk Flygtningehjælpimi attaveqartarnermik suliaqarnikuulluni.