Ilisimatusarfik
Misissuinermi ilisimasat Kalaallit Nunaanni eqqartuussivik nukittorsarniarlugu innuttaasullu ataasiakkaat inatsisitigut innarlitsaaliugaanerat naapertuilluartumillu eqqartuussisarneq pitsanngorsarniarlugit oqartussat suliamut attuumassuteqartut suliniuteqarnerannut ilanngunneqarsinnaasunik tapersiisoqassaaq.
Misissuinermi tunngavik Kalaallit Nunaanni eqqartuussivimmi eqqartuussisut suliamilluunniit attuumassuteqartut oqaatsinik atorneqartunik paasisinnaatinnagit nutserisunik atuisarnermik aallaaveqarpoq. Nutserinermi Europami Inuit Pisinnaatitaaffii pillugit Isumaqatigiissummik Kalaallit Nunaanni Eqqartuussivik malinninnissoq misissuinermi misissorneqassaaq. Europami Inuit Pisinnaatitaaffii pillugit Isumaqatigiissummi artikili 6, imm. 1, litra e malillugu kinaluunniit pinerlussimanermik unnerluunneqartoq oqaatsit eqqartuussivimmi atorneqartut paasisinnaanngikkunigit nutserunneqarsinnaatitaavoq.