Kalaallit Nunaanni inuit pisinnaatitaaffii pillugit killiffik
Killiffik pillugu nalunaarusiani immikkoortut 10-t, inuit pisinnaatitaaffiinik eqqortitsinissamut immikkut aalajangiisuusunik malinnaaffigineqarput. Immikkoortut ataasiakkaat ukiut marlukkaarlugit pingasukkaarlugillu killiffik pillugu nalunaarusianik nutaanik nutarteriffiusarput.
Ukiut tamaasa Inuit Pisinnaatitaaffii pillugit Instituttip Kalaallit Nunaanni sulinermini ataatsimut isiginninnermik saqqummiussisarpoq. Tamanna instituttip ukiumoortumik Inatsisartunut nalunaarutaanni atuarsinnaavat.
Nalunaarusiat tamarmik immikkoortumi inuit pisinnaatitaaffiinik naatsumik eqqartuinermik kiisalu ineriartornerup kingusinnerpaap takussutissartaanik imaqartarput. Tamatuma saniatigut nalunaarusiani tamani Kalaallit Nunaanni ajornartorsiutit annertunerpaat eqqartorneqartarput kiisalu pitsanngoriarfiusussanut Siunnersuisoqatigiit Instituttillu innersuussutaanik pingaarnerpaanik imaqartarlutik.
Inuit pisinnaatitaaffiinik illersuinissamut siuarsaanissamullu piumasaqaataavoq, immikkoortuni annertuuni qanoq inissisimasoqarneranik ataatsimut isiginninneq kiisalu ineriartornermik aaqqissuulluakkamik malinnaaviginninneq. Kalaallit Nunaanni inuit pisinnaatitaaffii pillugit inissisimanermik nakkutiginninneq nalunaarusiornissarlu Kalaallit Nunaat tamakkerlugu inuit pisinnaatitaaffii pillugit suliaqarfittut Instituttip suliassaasa qitiulluinnartut ilagaat.
Kalaallit Nunaanni inuit pisinnaatitaaffii pillugit inissisimanermi killiffimmi nalunaarusiat
Meeqqat aamma Inuusuttut – kingullermik nutarterneqarpoq april 2019
Innarluuteqarneq – kingullermik nutarterneqarpoq april 2019
Naligiissitaaneq – kingullermik nutarterneqarpoq april 2019
Immikkoortuni tamani nalinginnaasumik killiffik pillugu nalunaarusiaq – kingullermik nutarterneqarpoq november 2016
Killifiugallartumik nalunaarusiat uku suliarineqarput:
Ilinniartitaaneq, ineqarneq, inuit pisinnaatitaaffiinik naammassinninneq, naapertuulluartumik eqqartuussaaneq aamma kiffaanngissusiiagaaneq, kommunini aamma namminersorlutik oqartussani inatsisitigut isumannaatsuuneq aamma pinngortitamit pisuussutit.
Instituttittaaq ingerlaavartumik Danmarkimi inuit pisinnaatitaaffii pillugit inissisimaffiit killiffissiortarpai.
Anguniarparput, saqqummiussagut pdf-iusut il.il. skærmikkut atuaammik atuarneqarnissamut tulluartuunissaat. Tamatumani ajornartorsiutinik nalaassissaguit, digitalimi aaqqissuisoq attavigiuk, Stine Juhl Nielsen uunga stni@humanrights.dk.