Kalaallit Nunaanni suliagut

Inuit Pisinnaatitaaffiinut Instituti Danmarkimi, Kalaallit Nunaanni nunallu tamat akornanni inuit pisinnaatitaaffiisa siuarsarnissaannik illersorneqarnissaannillu suliaqarpoq.

Danmarkimi nunallu tamat akornanni sulinerput pillugu annertunerusunik paasisaqarusukkuit uani atuarsinnaavatit.

Kalaallit Nunaanni sulinitsinni oqaloqatigiittarneq tunngaviuvoq, aamma Kalaallit Nunaanni oqartussat, sulisoqarfiit innuttaasullu kattuffii suleqatigisarlutigit. Uku suleqatigisarpagut: Inuit Pisinnaatitaaffii pillugit Kalaallit Nunaata Siunnersuisoqatigiivi, Ilisimatusarfik aammalu MIO.

Ilaatigut Naalakkersuisunit Folketingimillu inatsisissatut siunnersuutit il.il. tusarniaassutigineqarneranni akissuteqartarpugut.

Kalaallit Nunaanni inuit pisinnaatitaaffiinik misissuisarpugut, aamma nunat tamat akornanni inuit pisinnaatitaaffiinik suliaqarfinnut nalunaarusiortarluta Nunat tamat akornanni FN-imi komitenut nalunaarusiorneq, Universal Periodic Review aammalu OPCAT.

Sulinerput pillugu Inatsisartunut nalunaarusiortarpugut.