UPR

Nunarsuaq Tamakkerlugu Piffissani Killilinni Naliliineq - UPR

FN-imi ilaasortat ukiut tallimakkaarlugit FN-imi Inuit Pisinnaatitaaffii pillugit Siunnersuisoqatigiinnit nalilerneqartarput, taaneqartartoq Nunarsuaq Tamakkerlugu Piffissani Killilinni Naliliineq (tuluttut; Universal Periodic Review) (UPR).

UPR ingerlatsiviusoq, tassani naalagaaffiit FN-imi ilaasortat inuit pisinnaatitaaffiinik suliaqarnermi pitsaassusaat pisussaaffimminnillu malinninnerat misissorneqartarluni. Suliami pingaarnertut siunertaavoq inuit pisinnaatitaaffiisa pitsanngorsarnissaat. Nalileeriaasiuvoq siulleq nunat naligiillutik aqqusaagassaat.

UPR-imut nalunaarusiorneq

Danmarkip, Kalaallit Nunaata Savalimmiullu 2016-imi UPR-iannut atatillugu Institutip Kalaallit Nunaanni Inuit Pisinnaatitaaffii pillugit Siunnersuisoqatigiinnit ilanngussisoqarluni ingerlatsisutut nalunaarusiaq suliaraa. Kalaallit Nunaanni Inuit Pisinnaatitaaffii pillugit Siunnersuisoqatigiit aamma namminneq UPR-imut nalunaarusiorput 2015-imilu naalagaaffiup UPR-imut nalunaarusiaa pillugu sukumiisumik tusarniaanermi akissuteqarluni.

Danmarki ulloq 21. juni 2016 FN-ip Inuit Pisinnaatitaaffii pillugit Siunnersuisoqatigiinni nalilerneqarpoq, siunnersuisoqatigiillu tamassuma kingorna inassuteqaatinik 204-nik Danmarkimut nassiussaqarput. Danmarkimik naliliineq tulleq 2021-imut pilersaarutaavoq.