Inuit Pisinnaatitaaffii Pillugit Kalaallit Nunaata Siunnersuisoqatigiivi
Siunnersuisoqatigiit arlaannaannulluunniit attassuteqanngillat, inuillu pisinnaatitaaffii pillugit Kalaallit Nunaanni ataatsimut isigalugu ilisimasanik aamma piginnaassutsinik siuarsaaqataasussaallutik. Siunnersuisoqatigiit peqatigiiffinnit soqutigisaqaqatigiinnillu assigiinngitsunit, inuit pisinnaatitaaffiinik suliaqartunik pisortallu ingerlatsiviisa ilaannik katitigaapput.
Siunnersuisoqatigiit Kalaallit Nunaanni inuit pisinnaatitaaffiisa nakkutigineqarnerat nalunaarutigisarnissaallu peqataaffigissavaat, misissuinerit ilisimatusarnerillu ingerlanneqarnissaat oqaluuserissallugu, Inatsisartunut, Naalakkersuisunut pisortanilu oqartussanut namminersortunullu inuit pisinnaatitaaffi pillugit sammisaqartunut siunnersuisassallutik, innuttaasut inuit pisinnaatitaaffii pillugit sulineranni ataqatigiissaarineq siuarsassallugu tapersertassallugulu, inuit pisinnaatitaaffii pillugit ilinniartitsinermik tapersersuissallutik siuarsaassallutillu, inuit pisinnaatitaaffii pillugit paasissutissanik ingerlatitseqqiisassallutik, inuit pisinnaatitaaffii Kalaallit Nunaanni pitsanngorsarniarlugit sammisaqartitsinissanik siunnersuuteqartassallutik kiisalu inuit pisinnaatitaaffiinut tunngatillugu maannamut ingerlataareersunik nalilersuisassallutik.