Sustainable Development Goals

Nungusaataanngitsumik Ineriartortitsineq pillugu FN-ip Nunarsuarmi Anguniagai (Sustainable Development Goals) – SDG’s

Nungusaataanngitsumik ineriartortitsineq pillugu FN-ip Nunarsuarmi Anguniagai 17-it nunarsuarmi naalakkersuisut siuttuisa 2015-imi akueraa – aamma imatut ilisimaneqartut ‘Sustainable Development Goals’ (SDG’s). 2030-mut nalunaarummi, Nunarsuarmi Anguniakkanik saqqummiissutaasumi, toqqaannartumik erseqqissarneqarpoq anguniakkani 17-ini anguniakkallu immikkoortuini 169-ini “kikkut tamarmik inuttut pisinnaatitaaffeqarnissaat anguniarneqartoq”.

Inuit pisinnaatitaaffii Nunarsuarmi Anguniakkani tunngaviupput – taamaammallu piviusunngortinneqavinnissaannut ilitsersuutaasinnaallutik. Innuttaasut, politikkikkut, aningaasaqarnikkut, inuttut atukkatigut kulturikkullu pisinnaatitaaffiit anguniakkat immikkoortuini takutinneqarput, immikkoortullu akimorlugit tunngavimmi ‘kikkulluunniit isumakkiiginnarneqassanngitsut’ assigiimmik pineqarnissaq immikkoortinneqanngissarlu pillugit inuit pisinnaatitaaffiini tunngaviit takutinneqarput.

Inuit Pisinnaatitaaffiinut Instituttip inuit pisinnaatitaaffii tunngavigalugit Nunarsuarmi Anguniakkat pillugit suleriaatsimi nalilersuinerit, atortut ilitsersuutillu ineriartortitsiseqatigiffigai. Inuit pisinnaatitaaffiinik suliaqarfiit, FN-imi suliaqarfiit, naalakkersuisut, suliffeqarfiit, nunani namminerni naatsorsueqqissaarisarfiit, pisinnaatitaaffeqartut suleqatiginerisigut inuit pisinnaatitaaffii tunngavigalugit Nunarsuarmi Anguniakkanut atuutilersinneqarneranni malinnaaviginerannilu sulinerit saqqummiunneqartarnerannik suliaqarpugut.

Inuit Pisinnaatitaaffiinut Instituttip inuit pisinnaatitaaffii tunngavigalugit Nunarsuarmi Anguniakkanik malinnaariaaseqarnersoq qanoq malinnaanera uani atuaruk nunat tamat akornanni nittartagarput (tuluttut).