Innarluutillit pillugit isumaqatigiissut
Innarluutillit pillugit isumaqatigiissummi siunertaq tassaavoq inuit innarluutilli allat atugassarisaat assigalugit inuit pisinnaatitaaffiinik tunngaviusumillu kiffaanngissuseqarnissamik pisinnataaffiit tamakkiisumik iluaqutigisinnaassagaat. Danmarkip aamma Kalaallit Nunaata isumaqatigiissut 2009-mi atortussanngortippaat, Inatsisartullu innarluutillit pillugit isumaqatigiissutip Kalaallit Nunaanni atuutilersinneqarnissaanik suliaqarnissaq peqqussutigaat.
Inuit PIsinnaatitaaffiinut Instituttip Kalaallit Nunaanni innarluutillit pillugit suliaqarnerani innarluutillit pillugit isumaqatigiissummi kapitali 33 aallaaviuvoq. Instituttip tamassuma kinguneranik innarluutillit pillugit isumaqatigiissutip atuutilersinneqarnerata Kalaallit Nunaanni Inuit PIsinnaatitaaffii pillugit Siunnersuisoqatigiit peqatigalugit siuarsarnissaa, illersornissaa nakkutiginissaalu suliassaraa, institutti tamassuma saniatigut Kalaallit Nunaanni Inuit Pisinnaatitaaffii pillugit Siunnersuisoqatigiit aamma Kalaallit Nunaanni oqartussat suleqatigalugit innuttaasut isumaqatigiissutip atuutilersinneqarnerata nakkutigineqarnerani innuttaasut ingerlaavartumik peqataatinneqarnissaasa qulakkeerneqarnissaanut toqqarneqarpoq. Suliaqarfiit taakku pingasut tamassumunnga atatillugu suleqatigiinnissamik isumaqatigiissuteqarnikuupput.
Innarluutillit pillugit isumaqatigiissutip nunami namminermi qanoq atuutilersinneqarnersoq Kalaallit Nunaata FN-imi innarluutillit pillugit komitémut nalunaarusiortarnera Danmarki suleqatigalugu pisarpoq. Nalunaarusiornermik suliaqarnermi Inuit Pisinnaatitaaffiinut Insituttip oqaaseqaatini Kalaallit Nunaat pillugu innarluutillit pillugit komitémut saniatigut nalunaarusiornikkut nassiuttarpai. .